തിരുവനന്തപുരം: പുതിയ വിജിലന്‍സ് ഡയറക്ടറായി ഡി.ജി.പി ഡോ.എന്‍.സി.അസ്താന ചുമതലയേറ്റു.
നിലവിലെ വിജിലന്‍സ് ഡയറക്ടറും പൊലിസ് മേധാവിയുമായ ലോക്‌നാഥ് ബെഹ്‌റ ഇരട്ടപ്പദവി വഹിക്കുന്നത് ചട്ടലംഘനമാണെന്ന വിവാദം ഉയര്‍ന്നതിനെ തുടര്‍ന്നാണ് അസ്താനയുടെ നിയമനം. സര്‍ക്കാര്‍ സര്‍വിസില്‍ പദവികളെക്കുറിച്ച് ആശങ്കയില്ലെന്ന് ചുമതലയേറ്റ ശേഷം അസ്താന പ്രതികരിച്ചു.
വിജിലന്‍സ് ഡയറക്ടറെന്ന നിലയില്‍ നിലവിലെ നിയമങ്ങളും വ്യവസ്ഥകളും അനുസരിച്ച് പ്രവര്‍ത്തിക്കും. വ്യക്തികള്‍ക്ക് പ്രധാന്യം നല്‍കില്ലെന്നും അദ്ദേഹം പറഞ്ഞു.