കൊച്ചി: പ്രവാസി ഇന്ത്യന്‍ ലീഗല്‍ സര്‍വിസിന്റെ നേതൃത്വത്തില്‍ നടത്തുന്ന യു.എ.ഇ ഓണ്‍ലൈന്‍ നീതിമേള -2018 ന്റെ ലോഗോ ജസ്റ്റിസ് പി.കെ ഷംസുദ്ദീന്‍ പ്രകാശനം ചെയ്തു.
പ്രവാസികള്‍ക്ക് സര്‍ക്കാര്‍ നിരവധി ക്ഷേമപദ്ധതികള്‍ ആരംഭിച്ചെങ്കിലും നടപടികളിലുണ്ടാകുന്ന കാലതാമസം ബുദ്ധിമുട്ടുകള്‍ സൃഷ്ടിക്കുകയാണ്. കാലതാമസം ഒഴിവാക്കാന്‍ സര്‍ക്കാര്‍ ഇടപെടണമെന്ന് അദ്ദേഹം ആവശ്യപ്പെട്ടു.
ബിസ്മി ഗ്രൂപ്പ് ചെയര്‍മാന്‍ വി.എ യൂസഫ് മുഖ്യാതിഥിയായിരുന്നു. യു.എ.ഇ പ്രവാസികളുടെ നിയമവിഷയങ്ങളില്‍ പരിഹാരം കാണാനാണ് നീതിമേള സംഘടിപ്പിക്കുന്നത്.
പി.വി അഹമ്മദ് കുട്ടി, അഡ്വ.ഷാനവാസ് കാട്ടകത്ത്, പ്രൊഫ. നൂറുദ്ദീന്‍, അഡ്വ. എ.ജി വിശ്വംഭരന്‍ തുടങ്ങിയവര്‍ പങ്കെടുത്തു.