തുറവൂര്‍ (ആലപ്പുഴ): കണ്ണൂരിലെ യൂത്ത് കോണ്‍ഗ്രസ് നേതാവ് ശുഹൈബിന്റെ കൊലപാതകവുമായി ബന്ധപ്പെട്ട് പൊലിസില്‍ കീഴടങ്ങിയത് ഡമ്മി പ്രതികളെന്ന് പ്രതിപക്ഷ നേതാവ് രമേശ് ചെന്നിത്തല. ഡി.സി.സി പ്രസിഡന്റ് അഡ്വ. എം. ലിജു നയിക്കുന്ന തീരദേശ പദയാത്ര ഉദ്ഘാടനം ചെയ്യുകയായിരുന്നു അദ്ദേഹം.
പ്രതികളെ പൊലിസ് പിടികൂടുകയായിരുന്നില്ല. സി.പി.എം നേതൃത്വത്തിന്റെ നിര്‍ദേശപ്രകാരം കീഴടങ്ങുകയായിരുന്നു. സി.പി.എമ്മിന്റെ ചുവപ്പ് ഭീകരത കേരളത്തെ തകര്‍ക്കുകയാണ്. 21 മാസത്തെ ഭരണത്തില്‍ 22 രാഷ്ട്രീയ കൊലപാതകങ്ങളാണ് നടന്നത്. സി.പി.എം കൊലയാളി പാര്‍ട്ടിയായി മാറിയിരിക്കുകയാണെന്നും അദ്ദേഹം പറഞ്ഞു.