നീലേശ്വരം: സാറാജോസഫ് കേരളംകണ്ട നവോഥാന നായകര്‍ക്കൊപ്പം നില്‍ക്കുന്ന എഴുത്തുകാരിയാണെന്ന് ജസ്റ്റിസ് ആര്‍.ബസന്ത് അഭിപ്രായപ്പെട്ടു.
 കണ്ണൂര്‍ സര്‍വകലാശാലാ പാലാത്തടം കാംപസ് ഡയരക്ടര്‍ ഡോ.എ.എം ശ്രീധരനും ഗവേഷക വിദ്യാര്‍ഥി ദീപ ചിറ്റാക്കൂലും ചേര്‍ന്ന് എഡിറ്റ് ചെയ്ത പുറമ്പോക്കിന്റെ പോര്‍മുഖങ്ങള്‍ എന്ന സാറാജോസഫ് പഠനങ്ങള്‍ പ്രകാശനം ചെയ്തു സംസാരിക്കുകയായിരുന്നു അദ്ദേഹം.
കേരളീയ ജീവിതപരിസരത്തെ നിരന്തരം പരിഷ്‌കരിക്കുന്നതില്‍ അവര്‍ ജാഗ്രത കാട്ടിയിട്ടുണ്ടെന്നും അദ്ദേഹം കൂട്ടിച്ചേര്‍ത്തു. പ്രൊ. വൈസ് ചാന്‍സിലര്‍ ഡോ.ടി അശോകന്‍ പുസ്തകം ഏറ്റുവാങ്ങി.
 ഡോ. സുരഭില അധ്യക്ഷയായി. ടി.സി പ്രിന്‍സ്, ഡോ. ടി.ശശിധരന്‍, കെ.ശ്രുതി, സുരേഷ് മോഹന്‍ഘോഷ് സംസാരിച്ചു.