നീലേശ്വരം: അത്യുത്തര കേരളത്തിലെ കളിയാട്ടക്കാലത്തിനു സമാപനം കുറിച്ച് നീലേശ്വരം മന്നന്‍പുറത്തുകാവ് ഭഗവതി ക്ഷേത്രത്തിലെ കലശോത്സവം ആറു മുതല്‍ എട്ടുവരെ നടക്കും. അഞ്ചിനു രാവിലെ ഓലകൊത്തലും തുടര്‍ന്നു പൂത്താക്കല്‍ ചടങ്ങും നടക്കും. അകത്തേ കലശദിവസമായ ആറിന് ഇരട്ടി നിവേദ്യത്തോടെ വിശേഷാല്‍ പൂജകളും നടക്കും. ജൂണ്‍ ഏഴിനു പുറത്തേ കലശദിവസം രാവിലെ 10ന് കോലധാരികളുടെ നടയില്‍ പ്രാര്‍ഥനയും ഉച്ചയ്ക്ക് രണ്ടിന് കളരികളില്‍നിന്ന് ഓലകൊണ്ടുവന്നു പന്തല്‍ നിര്‍മിക്കും.