സിഡ്‌നി: ആസ്‌ത്രേലിയക്കായി ഏറ്റവും കൂടുതല്‍ മത്സരങ്ങള്‍ കളിച്ച വനിതാ ക്രിക്കറ്റ് താരവും വൈസ് ക്യാപ്റ്റനുമായ അലക്‌സ് ബ്ലാക്ക്‌വെല്‍ സജീവ ക്രിക്കറ്റില്‍ നിന്ന് വിരമിച്ചു. 2003ല്‍ ആസ്‌ത്രേലിയന്‍ ടീമിനായി അരങ്ങേറിയ താരം മൂന്ന് വിഭാഗങ്ങളിലുമായി ടീമിന് വേണ്ടി 251 മത്സരങ്ങള്‍ കളിച്ചിട്ടുണ്ട്. 5,000 റണ്‍സ് പിന്നിട്ട നാല് വനിതാ ഓസീസ് താരങ്ങളില്‍ ഒരാള്‍ കൂടിയാണ് 34കാരിയായ അലക്‌സ് ബ്ലാക്ക്‌വെല്‍.