റിയാദ്: യമന്‍ തീര പ്രദേശത്തെ ലക്ഷ്യമാക്കി വിമത വിഭാഗമായ ഹൂതികള്‍ തങ്ങളുടെ ശക്തി കേന്ദ്രത്തില്‍ നിന്നും തൊടുത്ത് വിട്ട മിസൈല്‍ ആകാശത്ത് വെച്ച് തകര്‍ത്തതായി സഊദിയുടെ നേതൃത്വത്തിലുള്ള അറബ് സഖ്യ സേന അറിയിച്ചു. പടിഞ്ഞാറന്‍ തീരപ്രദേശമായ മൊഖക്കു മുകളില്‍ വെച്ചാണ് മിസൈല്‍ തകര്‍ത്തത്.

തുടര്‍ന്ന് മിസൈല്‍ വിക്ഷേപിച്ച വിക്ഷേപണ തറയും വിമത വിഭാഗത്തിന്റെ പത്തു സൈനിക കവചിത വാഹനങ്ങളും സഖ്യ സേനയുടെ പ്രത്യാക്രമത്തില്‍ പൂര്‍ണ്ണമായും തകര്‍ത്തതായും സഖ്യ സേന അറിയിച്ചു. കൂടാതെ ഹുദൈദ തുറമുഖത്തിന് നേരെയും മറ്റു മേഖലകളിലെ യമന്‍ സൈന്യത്തിന് നേരെയും വിമതര്‍ നടത്തിയ നിരവധി ആക്രമണങ്ങളെയു സഖ്യ സേന തകര്‍ത്തതായും സൈന്യം അറിയിച്ചു.