ജിദ്ദ: സഊദിയില്‍ വാണിജ്യ, ധനരേഖകളും ബാങ്കുകളുമായും ഇന്‍ഷുറന്‍സുമായും ബന്ധപ്പെട്ട രേഖകളും വ്യാജമായി നിര്‍മിക്കുന്നവര്‍ക്ക് കടുത്ത ശിക്ഷ.
ഇത്തരക്കാര്‍ക്ക് അഞ്ചുവര്‍ഷം വരെ തടവും നാലു ലക്ഷം റിയാല്‍ വരെ പിഴയും ശിക്ഷ ലഭിക്കുമെന്ന് പബ്ലിക് പ്രോസിക്യൂഷന്‍ അറിയിച്ചു.
സര്‍ക്കാര്‍ വകുപ്പുകളുടെ സീലുകളും മുദ്രകളും സഊദിയില്‍ നിയമസാധുതയുള്ള അന്താരാഷ്ട്ര ഏജന്‍സികളുടെയും ഉദ്യോഗസ്ഥരുടെയും സീലുകളും മുദ്രകളും വ്യാജമായി നിര്‍മിക്കുന്നവര്‍ക്ക് ഏഴു വര്‍ഷം വരെ തടവും ഏഴു ലക്ഷം റിയാല്‍ വരെ പിഴയും ശിക്ഷ ലഭിക്കുമെന്നും പബ്ലിക് പ്രോസിക്യൂഷന്‍ വ്യക്തമാക്കി.