കോഴിക്കോട്: ജൂനിയര്‍ റെഡ്‌ക്രോസ് പരീക്ഷ നടത്താതെ വിദ്യാര്‍ഥികളെ ആശങ്കയിലാക്കുന്ന സര്‍ക്കാര്‍ നടപടി അംഗീകരിക്കാനാവില്ലെന്നും അനശ്ചിതത്വം അവസാനിപ്പിക്കുന്നതിന് സര്‍ക്കാര്‍ അടിയന്തരമായി ഇടപെടണമെന്നും എം.എസ്.എഫ് സംസ്ഥാന കമ്മിറ്റി ആവശ്യപ്പെട്ടു.
ജെ.ആര്‍.സി ഭരണ സമിതിയിലെ അധികാര തര്‍ക്കം കാരണം രണ്ടു തവണ പരീക്ഷ മാറ്റിവച്ചത് വിദ്യാര്‍ഥികളോടുള്ള വെല്ലുവിളിയാണ്. ജെ.ആര്‍.സി ഗ്രേസ് മാര്‍ക്ക് ഹയര്‍ സെക്കന്‍ഡറി പ്രവേശനത്തിന് കേഡറ്റുകള്‍ക്ക് വലിയ സഹായകമായിരുന്നു. ഇതാണ് അധികാര തര്‍ക്കം മൂലം ഇല്ലാതാവുന്നത്.