കൊണ്ടോട്ടി: സോക്‌സില്‍ ഒളിപ്പിച്ചു കടത്തിയ 14.62 ലക്ഷം രൂപയുടെ സ്വര്‍ണം എയര്‍ കസ്റ്റംസ് ഇന്റലിജന്‍സ് പിടികൂടി. കാസര്‍കോട് താഴലങ്ങാടി സ്വദേശി അഹമ്മദ് സിറാജില്‍ (27) നിന്നാണ് 475 ഗ്രാം സ്വര്‍ണം പിടികൂടിയത്.
ഇന്നലെ രാവിലെ 10.30ന് ദോഹയില്‍നിന്ന് ഇന്‍ഡിഗോ വിമാനത്തില്‍ കരിപ്പൂരിലെത്തിയതായിരുന്നു അഹമ്മദ് സിറാജ്. ഇയാള്‍ ധരിച്ച സോക്‌സിനകത്തായിരുന്നു സ്വര്‍ണം ഒളിപ്പിച്ചത്. രണ്ട് സോക്‌സിനകത്തായി രണ്ട് സ്വര്‍ണമാലകളാണുണ്ടായിരുന്നത്.