കോയമ്പത്തൂര്‍: ആന്ധ്രാ പ്രദേശിലെ കടപ്പാകുളത്തില്‍ കഴിഞ്ഞ ദിവസം കണ്ടെത്തിയ അഞ്ച് മൃതദേഹങ്ങള്‍ തമിഴ്‌നാട്ടുകാരുടേതാണെന്ന് പൊലിസ്. തിരുമലയിലെ ശേഷമലയില്‍ രക്തചന്ദനം മോഷ്ടിക്കാന്‍ എത്തിയ 70 അംഗ തമിഴ്‌നാട് സംഘം പൊലിസിനെ കണ്ട് ഓടുന്നതിനിടയിലാണ് അഞ്ചുപേര്‍ കുളത്തില്‍ വീണ് മരിച്ചത്. ഇന്നലെ വനത്തില്‍ തിരച്ചില്‍ നടത്തുന്നതിനിടയില്‍ 20 തമിഴ്‌നാട്ടുകാര്‍ ഉള്‍പ്പെടെ 27 പേരെ പൊലിസ് അറസ്റ്റ് ചെയ്തിരുന്നു. ഇവരില്‍ നിന്ന് 24 മൊബൈല്‍ ഫോണുകള്‍, മരംമുറിക്കാനുള്ള ആയുധങ്ങള്‍ എന്നിവ കണ്ടെടുത്തിട്ടുണ്ട്.