കാബൂള്‍: അഫ്ഗാന്‍ തലസ്ഥാന നഗരിയായ കാബൂളിലെ നയതന്ത്ര മേഖലയില്‍ ചാവേറാക്രമണം. സ്‌ഫോടനത്തില്‍ ഒരാള്‍ കൊല്ലപ്പെടുകയും ആറു പേര്‍ക്ക് പരുക്കേല്‍ക്കുകയും ചെയ്തു.

കാബൂളിലെ ശാശ് ദാരക് മേഖലയില്‍ ഇന്നു രാവിലെയാണ് സ്‌ഫോടനമുണ്ടായത്. ഒരാള്‍ കൊല്ലപ്പെട്ടതായി ആഭ്യന്തര മന്ത്രാലയം സ്ഥിരീകരിച്ചു.

അഫ്ഗാന്‍ ഇന്റലിജന്‍സ് ഏജന്‍സിയായ നാഷണല്‍ ഡയരക്ടറേറ്റ് ഓഫ് സെക്യൂരിറ്റി കോംപൗണ്ടിനു സമീപത്താണ് സ്‌ഫോടനമുണ്ടായത്. യു.എസ് എംബസിയുടെയും നാറ്റോയുടെയും ആസ്ഥാനങ്ങള്‍ സ്ഥിതി ചെയ്യുന്നതിനു സമീപമാണിത്.