കൊയിലാണ്ടി: കോഴിക്കോട് ജില്ലയിലെ കൊയിലാണ്ടിയില്‍ നടന്ന വാഹനാപകടത്തില്‍ കൊയിലാണ്ടി നന്തി സ്വദേശികളായ ദമ്പതികള്‍ മരിച്ചു. അബ്ദുല്‍ ബഷീര്‍ (54) ഭാര്യ ജമീല (47) എന്നിവരാണ് മരിച്ചത്. ഇന്ന് പുലര്‍െച്ച നന്തി ടോള്‍ ബൂത്തിന് സമീപത്ത് വച്ച് ബഷീറും കുടുംബവും സഞ്ചരിച്ച കാറിനു പിന്നില്‍ ലോറി ഇടിക്കുകയും തുടര്‍ന്ന് നിയന്ത്രണംവിട്ട കാര്‍ മറ്റൊരു കാറിലിടിച്ചാണ് അപകടമുണ്ടായത്. അപകടത്തില്‍ പരിക്കേറ്റ ഇവരുടെ മകന്‍ മുഹമ്മദ് അബിയെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ബഷീറിന്റെ മാതാവ് മരിച്ച വിവരമറിഞ്ഞ് കണ്ണൂരില്‍ നിന്നും ഇവര്‍ കൊയിലാണ്ടിയിലേക്ക് വരും വഴിയാണ് അപകടം. പ്രവാസിയായ ബഷീര്‍ ഈ അടുത്താണ് നാട്ടിലെത്തിയത്.