ബാകു: അസര്‍ബയ്ജാനിലെ പുനരധിവാസ കേന്ദ്രത്തിലുണ്ടായ തീപിടിത്തത്തില്‍ 24 പേര്‍ മരിച്ചു. തലസ്ഥാന നഗരിയായ ബാകുവിലാണ് സംഭവം.

സംഭവസ്ഥലത്തു നിന്ന് 31 പേരെ രക്ഷിച്ചിട്ടുണ്ടെന്ന് ജനറല്‍ പ്രോസിക്യൂട്ടേര്‍സ് ഓഫിസും പൊലിസും അറിയിച്ചു.

പ്രാദേശിക സമയം രാവിലെ 6.10 നാണ് തീപിടിത്തമുണ്ടായത്. റിപ്പബ്ലിക്കന്‍ നാര്‍ക്കോളജി ഡിസ്‌പെന്‍സറിയുടെ കെട്ടിടത്തിനാണ് തീപിടിച്ചത്. മരംകൊണ്ട് പണിത ഒരുനില കെട്ടിടമാണിത്.

അസര്‍ബയ്ജാന്‍ പ്രസിഡന്റ് ഇല്‍ഹാം അലിയേവ് സംഭവസ്ഥലത്തെത്തി.