ബംഗളൂരു: ത്രിപുര തെരഞ്ഞെടുപ്പിലുണ്ടായ പ്രതിഫലനം കര്‍ണാടക തെരഞ്ഞെടുപ്പില്‍ ഉണ്ടാകില്ലെന്ന് മുഖ്യമന്ത്രി സിദ്ധരാമയ്യ. ബി.ജെ.പി മുഖ്യമന്ത്രി സ്ഥാനാര്‍ഥിയായി ഉയര്‍ത്തിക്കാണിക്കുന്നത് ബി.എസ് യദ്യൂരപ്പയെയാണ്. അനധികൃത ഭൂമി ഇടപാടുമായി ബന്ധപ്പെട്ട കേസില്‍ പ്രതിയായ അദ്ദേഹത്തിനെതിരേ ഖനി ഇടപാടുമായി ബന്ധപ്പെട്ട കേസുമുണ്ട്. ഇത്തരത്തിലുള്ള ഒരാളെ എങ്ങനെ മുഖ്യമന്ത്രി സ്ഥാനാര്‍ഥിയാക്കുമെന്ന് അദ്ദേഹം ചോദിച്ചു.