കോഴിക്കോട്: ഏപ്രില്‍ 20, 21, 22 തിയതികളില്‍ നടക്കുന്ന സുന്നി മഹല്ല് ഫെഡറേഷന്‍ (എസ്.എം.എഫ്) സംസ്ഥാന സമ്മേളനം - ലൈറ്റ് ഓഫ് മദീന (മഹല്ല് പ്രവര്‍ത്തന പദ്ധതി ദൃശ്യാവിഷ്‌കാരം) പവലിയന്‍ നിര്‍മാണോദ്ഘാടനം 16 ന് വെള്ളിയാഴ്ച വൈകിട്ട് അഞ്ചിന് തൃക്കരിപ്പൂര്‍ കൈതക്കാട് വച്ച് നടക്കും.
സുന്നി മഹല്ല് ഫെഡറേഷന്‍ സംസ്ഥാന വൈസ് പ്രസിഡന്റ് സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം നിര്‍വഹിക്കും.
അന്നേദിവസം ഉച്ചക്ക് 2.30 ന് കാസര്‍കോട് തളങ്കര മാലിക് ബ്‌നു ദീനാര്‍ മഖാം സിയാറത്തിന് ശേഷം ജില്ലാ പര്യടനം പൂര്‍ത്തിയാക്കിയാണ് പവലിയന്‍ നിര്‍മാണോദ്ഘാടനം നടക്കുക.
യോഗത്തില്‍ ഉമര്‍ ഫൈസി മുക്കം, ഡോ. ബഹാഉദ്ദീന്‍ മുഹമ്മദ് നദ്‌വി, മോയിന്‍ കുട്ടി മാസ്റ്റര്‍, പിണങ്ങോട് അബൂബക്കര്‍, അബ്ദുസ്സമദ് പൂക്കോട്ടൂര്‍, നാസര്‍ ഫൈസി കൂടത്തായി, സി.ടി അബ്ദുല്‍ ഖാദര്‍ തൃക്കരിപ്പൂര്‍, ശംസുദ്ദീന്‍ ഒഴുകൂര്‍ പങ്കെടുത്തു.