കൊച്ചി : റെഡ്ബുള്‍ കാംപസ് ക്രിക്കറ്റിന്റെ ഏഴാം പതിപ്പിന് മാര്‍ച്ച് 12-ന് കൊച്ചി ഉള്‍പ്പെടെ ഉള്ള 28 നഗരങ്ങളില്‍ തുടക്കമാവും. 250-ലേറെ കോളജുകള്‍ പങ്കെടുക്കും. ഇന്ത്യന്‍ ക്രിക്കറ്റ് താരങ്ങളായ കെ.എല്‍.രാഹുല്‍, കരുണ്‍ നായര്‍, ശ്രാദുല്‍ താക്കൂര്‍, നെന്‍ വോറ, സിദ്ദേഷ് ലാഡ്, ഹിമാന്‍ശു റാണാ, അഭിമന്യു ഈശ്വരന്‍, അനുകുല്‍ റോയ്, ഋതുരാജ് ഗേയ്ക്മാദ്, റിക്കി ഭൂയി എന്നിവര്‍ റെഡ് ബുള്‍ കാംപസ് ക്രിക്കറ്റിലൂടെ വന്നവരാണ്.
യൂനിവേഴ്‌സിറ്റി ക്രിക്കറ്റ് ടീമുകള്‍ക്കുള്ള ഏക ആഗോള ടി20 ടൂര്‍ണമെന്റാണിത്. കൊച്ചി ഉള്‍പ്പെടെയുള്ള നഗരങ്ങളിലെ യോഗ്യതാമത്സരങ്ങള്‍ 12 ന് ആരംഭിക്കും. ഏപ്രില്‍ രണ്ടാം വാരം യോഗ്യതാ മത്സരങ്ങള്‍ സമാപിക്കും. യോഗ്യതാ മത്സരങ്ങളിലെ വിജയികള്‍ക്ക് ഏപ്രിലില്‍ നടക്കുന്ന സോണല്‍ മത്സരങ്ങളില്‍ പങ്കെടുക്കാം. ഓരോ സോണിലും വിജയികളാകുന്ന രണ്ടു ടീമുകള്‍ക്കുവീതം ദേശീയ ഫൈനലില്‍ പങ്കെടുക്കാം.
ക്വാര്‍ട്ടര്‍, സെമി ഫൈനലുകള്‍ നോക്ഔട്ട് റൗണ്ടുകള്‍ ആയിരിക്കും. ഫൈനല്‍ വിജയികള്‍ക്ക് 2018 ല്‍ നടക്കുന്ന ലോകകപ്പ് പരമ്പരയില്‍ മാറ്റുരയ്ക്കാം. 2012 ല്‍ ശ്രീലങ്കയില്‍ നടന്ന ലോകകപ്പ് ഫൈനലില്‍ മുംബൈയിലെ റിസ്മി കോളജായിരുന്നു ജേതാക്കള്‍. 2013 ല്‍ ചണ്ഡീഗഡിലെ ഡി.എ.വി കോളജും. 2017 ലെ ജേതാക്കള്‍ ദക്ഷിണാഫ്രിക്കയിലെ നോര്‍ത്ത് വെസ്റ്റ് യൂനിവേഴ്‌സിറ്റി ആണ്. കൂടുതല്‍ വിവരങ്ങള്‍ക്ക് ംംം.ൃലറയൗഹഹരമാുൗരെൃശരസല.േരീാ