ചെറുപുഴ: ചെറുപുഴ അയ്യപ്പക്ഷേത്ര പരിധിയിലുള്ള ഹൈന്ദവ സമുദായ ശ്മശാന നവീകരണ ഫണ്ട് ക്ഷേത്രനടയില്‍ വച്ച് ഭക്തജനങ്ങളില്‍ നിന്ന് ഏറ്റുവാങ്ങി കൊണ്ട് പ്രസിഡണ്ട് എസ്. കുമരേശന്‍ ഉദ്ഘാടനം ചെയ്തു. ആധുനിക രീതിയില്‍ പരിസ്ഥിതി മലിനീകരണമില്ലാത്തതും പൂന്തോട്ടവും ഇരിപ്പിടവും ശുദ്ധജലവും വിശ്രമ സങ്കേതവുമുള്‍പ്പെടെ മനോഹരമായ രീതിയിലുള്ള നവീകരണത്തിനാണ് ഫണ്ട് സ്വരൂപിക്കന്നത് ചടങ്ങില്‍ സെക്രട്ടറി സി.എം.രഘു സ്വാഗതം പറഞ്ഞു. ആദ്യ ഫണ്ട് പി.സി കുഞ്ഞിരാമന്‍, വിപിനന്‍ ഗ്രീന്‍ പാര്‍ക്ക്, അപ്‌സര രവീന്ദ്രന്‍, പത്മനാഭന്‍ വേള്‍ഡ്വിഷന്‍ തുടങ്ങിയവരില്‍ നിന്നും ഏറ്റുവാങ്ങി. വി. കൃഷ്ണന്‍ , എം. ബാലകൃഷ്ണന്‍, ഗോപാലകൃഷ്ണന്‍ , പി.പി.തങ്കപ്പന്‍ , പി.എം വാസുദേവന്‍ നേതൃത്വം നല്‍കി.