തളിപ്പറമ്പ്: കീഴാറ്റൂരില്‍ സി.പി.എമ്മിന്റെയും ഡി.വൈ.എഫ്.ഐയുടെയും കൊടിമരങ്ങള്‍ നശിപ്പിച്ചു. ശനിയാഴ്ച അര്‍ധരാത്രിക്കു ശേഷമായിരുന്നു സംഭവം. ഇരുമ്പ് പൈപ്പ് കൊണ്ടുളള കൊടിമരങ്ങള്‍ റോഡിലേക്കു വളച്ച് ഗതാതഗം തടസപ്പെടുത്തുന്ന രീതിയിലാണുണ്ടായിരുന്നത്. ഇന്നലെ പുലര്‍ച്ചെയാണ് സംഭവം ശ്രദ്ധയില്‍പ്പെടുന്നത്. ബ്രാഞ്ച് സെക്രട്ടറി വി. രാഘവന്‍ തളിപ്പറമ്പ് പൊലിസില്‍ പരാതി നല്‍കി. സംഭവത്തില്‍ പ്രതിഷേധിച്ച് സി.പി.എം, ഡി.വൈ.എഫ്.ഐ പ്രവര്‍ത്തകര്‍ പ്രകടനം നടത്തി. കെ. മുരളീധരന്‍, പുല്ലായിക്കൊടി ചന്ദ്രന്‍, വി. രാഘവന്‍, പി.വി വിനോദ്, കെ. ബിജുമോന്‍ നേതൃത്വം നല്‍കി.