കല്‍പ്പറ്റ: 'മഹല്ലുകള്‍ ഉമ്മത്തിന്റെ കരുത്തിന് 'എന്ന പ്രമേയത്തില്‍ 'ലൈറ്റ് ഓഫ് മദീന' എന്ന പേരില്‍ ഏപ്രില്‍ 21, 22 തിയതികളില്‍ എസ്.എം.എഫ് സംസ്ഥാന കമ്മിറ്റി കാസര്‍കോഡ് നടത്തുന്ന മഹല്ല് സംഗമത്തിന്റെയും 'പൈതൃകത്തിലേക്ക് വിജയത്തിലേക്ക് 'എന്ന പ്രമേയവുമായി ഏപ്രില്‍ 20ന് പനമരത്ത് നടക്കുന്ന സമസ്ത ജില്ലാ സമ്മേളനത്തിന്റേയും പ്രചാരണാര്‍ഥം ഏപ്രില്‍ ഒന്ന് മുതല്‍ 10 വരെ 14 മേഖലാ തലങ്ങളില്‍ സാരഥീ സംഗമങ്ങള്‍ സംഘടിപ്പിക്കാന്‍ കല്‍പ്പറ്റ സമസ്താലയത്തില്‍ ചേര്‍ന്ന എസ്.എം.എഫ് ജില്ലാ എക്‌സിക്യൂട്ടിവിന്റേയും ആര്‍.പിമാരുടേയും സംയുക്ത യോഗം തീരുമാനിച്ചു.
ജില്ലാ പ്രസിഡന്റ് പിണങ്ങോട് അബൂബക്കര്‍ അധ്യക്ഷനായി. നാളെ സു.ബത്തേരിയില്‍ നടക്കുന്ന എസ്.വൈ.എസ് ജില്ലാ പ്രതിനിധി സമ്മേളനവും 20ന് ചുണ്ടേലില്‍ നടക്കുന്ന ഖുത്വബാ സംഗമവും വിജയിപ്പിക്കാന്‍ യോഗം ബന്ധപ്പെട്ടവരോടാവശ്യപ്പെട്ടു. യോഗത്തില്‍ എസ്. മുഹമ്മദ് ദാരിമി, എന്‍.കെ റശീദ് ഹാജി, കാഞ്ഞായി ഉസ്മാന്‍, സി. മൊയ്തീന്‍ കുട്ടി, എം. അബ്ദുറഹ്മാന്‍ ഹാജി, പി. മുജീബ് ഫൈസി, ഉസ്മാന്‍ ദാരിമി, പി.സി ഉമര്‍ മൗലവി, മുഹമ്മദ് കുട്ടി ഹസനി, നൗഫല്‍ മാസ്റ്റര്‍, നാസര്‍ മൗലവി സംസാരിച്ചു. ജന. സെക്രട്ടറി പി.സി ഇബ്‌റാഹിം ഹാജി സ്വാഗതവും ഹാരിസ് ബാഖവി നന്ദിയും പറഞ്ഞു.

എസ്.വൈ.എസ് ജില്ലാ പ്രതിനിധി സമ്മേളനം നാളെ

സുല്‍ത്താന്‍ ബത്തേരി: എസ്.വൈ.എസ് ജില്ലാ പ്രതിനിധി സമ്മേളനം 'ദി റൂട്ട് ഓഫ് സ്‌ട്രൈറ്റ് ' നാളെ സുല്‍ത്താന്‍ ബത്തേരിയില്‍ നടക്കും.
മുന്‍സിപ്പല്‍ ടൗണ്‍ ഹാളില്‍ രാവിലെ 10ന് സ്വാഗത സംഘം ചെയര്‍മാന്‍ ഹംസ ഹാജി കല്ലുവയല്‍ പതാക ഉയര്‍ത്തും. എസ്.വൈ.എസ് സംസ്ഥാന ജന. സെക്രട്ടറി സയ്യിദ് മുഹമ്മദ്‌കോയ തങ്ങള്‍ ജമലുല്ലൈലി ഉദ്ഘാടനം ചെയ്യും. സമസ്ത കേന്ദ്ര മുശാവറ അംഗം വി. മൂസക്കോയ മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കും.
സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ മുഖ്യപ്രഭാഷണം നടത്തും. എസ്.വൈ.എസ് ജില്ലാ പ്രസിഡന്റ് ഇബ്‌റാഹിം ഫൈസി പേരാല്‍ അധ്യക്ഷനാകും. തുടര്‍ന്നു നടക്കുന്ന വിവിധ സെഷനുകളില്‍ അബ്ദുസ്സമദ് പൂക്കോട്ടൂര്‍, അബ്ദുല്‍ ഹമീദ് ഫൈസി അമ്പലക്കടവ്, പിണങ്ങോട് അബൂബക്കര്‍ വിഷയങ്ങള്‍ അവതരിപ്പിക്കും. പാണക്കാട് സയ്യിദ് ശഹീറലി ശിഹാബ് തങ്ങള്‍ സമാപന സന്ദേശം നല്‍കും. ശാഖ, മേഖല ഭാരവാഹികള്‍, ആമിലാ അംഗങ്ങള്‍ ഉള്‍പ്പടെ ആയിരം പ്രതിനിധികള്‍ പങ്കെടുക്കും.