ചെതലയം: കടുവയെ ചത്ത നിലയില്‍ കണ്ടെത്തി. ചെതലയം റെയ്ഞ്ചിലെ പാതിരി നോര്‍ത്ത് സെക്ഷനില്‍പെട്ട വെളുകൊല്ലി മുടവങ്കര വനാതിര്‍ത്തി പ്രദേശത്താണ് കടുവയെ ചത്ത നിലയില്‍ കണ്ടെത്തിയത്.
ഇന്നലെ വൈകിട്ട് തൊഴിലുറപ്പ് തൊഴിലാളികളാണ് കടുവയുടെ ജഡം കണ്ടെത്തിയത്. കുറിച്ചിപ്പറ്റ, കുറുവ, മുടവങ്കര, വെളു കൊല്ലി, പാക്കം മേഖലകളിലെ ജനവാസ കേന്ദ്രങ്ങളില്‍ ഭീഷണി ഉയര്‍ത്തിയ കടുവയെയാണ് ചത്ത നിലയില്‍ കണ്ടെത്തിയത്.
കടുവയെ നിരീക്ഷിക്കുന്നതിനായി വനം വകുപ്പ് ഈ മേഖലയില്‍ ഒന്‍പതോളം കാമറകള്‍ സ്ഥാപിച്ചിരുന്നു. പ്രായാധിക്യമാണ് മരണകാരണമെന്നാണ് റിപ്പോര്‍ട്ട്.