തിരൂരങ്ങാടി: അഞ്ചു കിലോ കഞ്ചാവുമായി മൂന്നുപേരെ തിരൂരങ്ങാടി സി.ഐ സുനില്‍കുമാറിന്റെ നേതൃത്വത്തിലുള്ള പൊലിസ് പിടികൂടി. കോഴിക്കോട് ഫറോക്ക് സ്വദേശികളായ നല്ലൂര്‍ പ്രസാദ് നിവാസിലെ പ്രജീഷ് (24), കളത്തില്‍തൊടി അഫ്‌സല്‍ (24), രാമനാട്ടുകരയിലെ സജീഷ് എന്ന സല്‍മാന്‍ (23) എന്നിവരാണ് പിടിയിലായത്.
ഇന്നലെ വൈകിട്ട് നാലോടെ തലപ്പാറ-ചെമ്മാട് റോഡില്‍വച്ചു കഞ്ചാവ് കടത്താനുപയോഗിച്ച ഇന്‍സുലേറ്റര്‍ ലോറി സഹിതമാണ് പ്രതികളെ പിടികൂടിയത്. 2016ല്‍ കഞ്ചാവു കേസില്‍ ഫറോക്ക് പൊലിസ് പിടികൂടി എട്ടു മാസം മുന്‍പു ജാമ്യത്തിലിറങ്ങിയതാണ് പ്രജീഷ്. പ്രതികളെ പരപ്പനങ്ങാടി കോടതിയില്‍ ഹാജരാക്കും.
ലോറിയില്‍ നിര്‍മിച്ച പ്രത്യേക അറയിലായിരുന്നു കഞ്ചാവ് കടത്തിയിരുന്നത്.