HOME
DETAILS

ശ്രീലങ്കയില്‍ അടിയന്തരാവസ്ഥ പിന്‍ലവിച്ചു

  
backup
March 19 2018 | 01:03 AM

%e0%b4%b6%e0%b5%8d%e0%b4%b0%e0%b5%80%e0%b4%b2%e0%b4%99%e0%b5%8d%e0%b4%95%e0%b4%af%e0%b4%bf%e0%b4%b2%e0%b5%8d%e2%80%8d-%e0%b4%85%e0%b4%9f%e0%b4%bf%e0%b4%af%e0%b4%a8%e0%b5%8d%e0%b4%a4%e0%b4%b0%e0%b4%be


കൊളംബോ: വര്‍ഗീയ സംഘര്‍ഷത്തെ തുടര്‍ന്ന് ശ്രീലങ്കയില്‍ പ്രഖ്യാപിച്ച അടിയന്തരാവസ്ഥ പിന്‍വലിച്ചു. ശ്രീലങ്കയിലെ മധ്യ പ്രദേശമായ കാന്‍ഡിയില്‍ ബുദ്ധ തീവ്രവാദികള്‍ മുസ്‌ലിംകള്‍ക്കെതിരേ നടത്തിയ ആക്രമണങ്ങളെ തുടര്‍ന്ന് ഈമാസം ആറിനായിരുന്നു രാജ്യത്ത് രണ്ട് ആഴ്ചത്തേക്ക് അടിയന്തരാവസ്ഥ പ്രഖ്യാപിച്ചത്.
ഇന്നലെ ട്വിറ്റര്‍ വഴിയാണ് അടിയന്തരാവസ്ഥ പിന്‍വലിച്ച വിവരം പ്രസിഡന്റ് മൈത്രിപാല സിരിസേന അറിയിച്ചത്. മേഖലയില്‍ സ്ഥിതിഗതികള്‍ സാധാരണനിലയിലെത്തിയതിനെ തുടര്‍ന്നാണു പിന്‍വലിക്കാന്‍ തീരുമാനിച്ചത്. വര്‍ഗീയ ആക്രമണത്തില്‍ രണ്ടു പേര്‍ കൊല്ലപ്പെടുകയും അഞ്ഞൂറോളം മുസ്‌ലിം വീടുകളും കടകളും നൂറോളം വാഹനങ്ങളും തീവ്രവാദികള്‍ നശിപ്പിച്ചു. ആക്രമണം തടയാനായി മേഖലയില്‍ കര്‍ഫ്യു പ്രഖ്യാപിക്കുകയും സമൂഹ മാധ്യമങ്ങള്‍ക്കു വിലക്കേര്‍പ്പെടുത്തുകയും ചെയ്തിരുന്നു. ഒരു ബുദ്ധമത വിശ്വാസി സഞ്ചരിച്ച വാഹനം മറ്റൊരു വാഹനത്തിലിടിച്ചതിനെ തുടര്‍ന്ന് ഡ്രൈവറെ കൈകാര്യം ചെയ്തതുമായി ബന്ധപ്പെട്ട സംഭവങ്ങളാണു പുതിയ വര്‍ഗീയ സംഘര്‍ഷത്തില്‍ കലാശിച്ചത്. മുസ്‌ലിംകള്‍ ബുദ്ധമതക്കാരെ ആക്രമിക്കുന്നുവെന്ന് ആരോപിച്ച് ബുദ്ധതീവ്രവാദികള്‍ തെരുവിലിറങ്ങുകയായിരുന്നു. തീവ്ര ബുദ്ധമത സംഘടനാ നേതാവിനെ അടക്കം 300ഓളം പേരെ അറസ്റ്റ് ചെയ്തിട്ടുണ്ട്.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."