ഗസ്സ സിറ്റി: ഗസ്സയിൽ ഇസ്‌റാഈൽ സൈന്യം കൂട്ടക്കൊല തുടരുന്നതിനിടെ വെടിനിർത്തലിനുള്ള സാധ്യത തെളിയുന്നു. 60 ദിവസത്തേക്ക് വെടിനിർത്താൻ ഇസ്‌റാഈൽ സമ്മതിച്ചതായി യു.എസ് പ്രസിഡന്റ് ഡൊണാൾഡ് ട്രംപ് അറിയിച്ചു. 
വെടിനിർത്തൽ ഓഫർ ലഭിച്ചെന്നും ഗസ്സ ആക്രമണം പൂർണമായും അവസാനിപ്പിക്കുന്ന കരാറാണ് വേണ്ടതെന്നും ഹമാസ് പ്രതികരിച്ചു. ഇസ്‌റാഈൽ സൈന്യം പൂർണമായും പിന്മാറണം. നേരത്തെ വെടിനിർത്തലുണ്ടായപ്പോൾ രണ്ടാം ഘട്ടത്തിലേക്കു പോകാൻ മടിച്ച് ഇസ്‌റാഈൽ കരാർ ലംഘിച്ചതും ഹമാസ് ചൂണ്ടിക്കാട്ടി. 

ALSO READ: ഇവയാണ് ഗസ്സയിലെ പിഞ്ചുമക്കളുടെ ചോരപുരണ്ട ആ കൈകള്‍;  ഇസ്‌റാഈലിന് സഹായം നല്‍കുന്ന കോര്‍പറേറ്റ് കമ്പനികളുടെ ലിസ്റ്റ് പുറത്തു വിട്ട് യു.എന്‍

എന്നാൽ, വെടിനിർത്തൽ ഇസ്‌റാഈൽ  അംഗീകരിച്ചിട്ടില്ല. ഗസ്സ പൂർണമായി തകർക്കുകയാണ് ലക്ഷ്യമെന്നും ഹമാസ് ഇനി ഗസ്സയിൽ അവശേഷിക്കരുതെന്നും ഇസ്‌റാഈൽ പ്രധാനമന്ത്രി ബെന്യാമിൻ നെതന്യാഹു പറഞ്ഞു. മധ്യസ്ഥനായ വിറ്റകോഫിന്റെ നിർദേശം തങ്ങൾ അംഗീകരിച്ചതായും വെടിനിർത്തലിന് അനുകൂലമായ അടയാളങ്ങൾ കാണുന്നതായും ഇസ്‌റാഈൽ വിദേശകാര്യ മന്ത്രി പ്രതികരിച്ചു.

അതേസമയം, ഗസ്സയിൽ ഭക്ഷ്യവസ്തുക്കൾ കിട്ടാതായതോടെ ജനങ്ങൾ ഇസ്‌റാഈൽ സേനയുടെ നേതൃത്വത്തിൽ ഗസ്സ ഹ്യൂമാനിറ്റേറിയൻ ഫൗണ്ടേഷൻ (ജി.എച്ച്.എഫ്) നടത്തുന്ന ഭക്ഷണ വിതരണ കേന്ദ്രങ്ങളെ ആശ്രയിക്കേണ്ട ഗതികേടിലാണ്. ഇവിടെ ഭക്ഷണം വാങ്ങാനെത്തിയവരിൽ 600 പേരെയാണ് അഞ്ചാഴ്ചയ്ക്കിടെ സൈന്യം നിർദയം വെടിവച്ചുകൊന്നത്. വടക്കൻ ഗസ്സയിലെ വലിയ ആശുപത്രിയായ അൽശിഫയിൽ ആവശ്യമായ ഇന്ധനം ലഭിക്കാത്തതിനാൽ നൂറുകണക്കിനു രോഗികൾ മരണമുഖത്താണെന്ന് അധികൃതർ അറിയിച്ചു.

ALSO READ: ഗസ്സ വെടിനിര്‍ത്തല്‍ ചര്‍ച്ച സജീവം: കരാര്‍ ഇസ്‌റാഈല്‍ അംഗീകരിച്ചെന്ന് ട്രംപ്, നെതന്യാഹു വൈറ്റ്ഹൗസിലേക്ക്; ഈജിപ്ത് - ഖത്തര്‍ മധ്യസ്ഥര്‍ ഹമാസ് നേതാക്കളെ കാണും | Gaza Ceasefire

ഗസ്സയിൽ വെടിനിർത്തൽ ലംഘിച്ച് ഇസ്‌റാഈൽ ആക്രമണം തുടങ്ങിയതോടെ ഇതുവരെ 57,000 പേരാണ് കൊല്ലപ്പെട്ടത്. ഒക്ടോബർ ഏഴിനു ശേഷം കൊല്ലപ്പെട്ടത് ആകെ 1,139 പേരാണെന്നും ഗസ്സ ആരോഗ്യമന്ത്രാലയം അറിയിച്ചു. ഇന്നലെ മാത്രം കൊല്ലപ്പെട്ടത് 67 ഫലസ്തീനികളാണ്.

Donald Trump claims Israel has agreed to a 60-day ceasefire in Gaza, raising hopes for peace. However, Hamas insists on a complete cessation of attacks before finalizing any agreement.