ദോഹ: പുതിയ ഒരു റിയാല്‍ നോട്ട് പുറത്തിറക്കി ഖത്തര്‍ സെന്‍ട്രല്‍ ബാങ്ക്. പുതിയ മാറ്റങ്ങളുമായാണ് നോട്ട് പുറത്തിറക്കിയിരിക്കുന്നത്. കറന്‍സികളുടെ അഞ്ചാം സീരിസിന്റെ ഭാഗമായാണ് പുതിയ നോട്ട് പുറത്തിറക്കിയിരിക്കുന്നത്. ഔദ്യോഗിക ചിഹ്നം, ഇഷ്യൂ തീയതി, അറബിക് അക്കങ്ങള്‍ എന്നിവയിലാണ് പുതിയ നോട്ടില്‍ മാറ്റങ്ങള്‍ ഉള്ളത്.

ALSO READ: ഗസ്സ വെടിനിര്‍ത്തല്‍ ചര്‍ച്ച സജീവം: കരാര്‍ ഇസ്‌റാഈല്‍ അംഗീകരിച്ചെന്ന് ട്രംപ്, നെതന്യാഹു വൈറ്റ്ഹൗസിലേക്ക്; ഈജിപ്ത് - ഖത്തര്‍ മധ്യസ്ഥര്‍ ഹമാസ് നേതാക്കളെ കാണും | Gaza Ceasefire

ഔദ്യോഗിക ലോഗോ കൂടുതല്‍ വ്യക്തതയുള്ള തരത്തിലാണ് പുതിയ നോട്ട് അവതരിപ്പിച്ചിരിക്കുന്നത്. പുതിയ ഒരു റിയാല്‍ നോട്ടിന്റെ ഒരു വശത്ത് താഴെ, മുന്‍പ് അറബിക് അക്കങ്ങളില്‍ രേഖപ്പെടുത്തിയിരുന്നത് ഇനി ഇംഗ്ലിഷ് അക്കങ്ങളില്‍ ആയിരിക്കുമെന്ന് സെന്‍ട്രല്‍ ബാങ്ക് അറിയിച്ചു. 2025-ാണ് പുതിയ നോട്ടിന്റെ ഇഷ്യൂ തീയതി.

ALSO READ: ഇറാന്റെ മിസൈല്‍ ആക്രമണം നടന്ന ദിവസം ചുമത്തിയ എല്ലാ ഗതാഗത പിഴകളും റദ്ദാക്കി ഖത്തര്‍

നിലവിലുള്ള ഒരു റിയാല്‍ നോട്ടുകള്‍ ഉപയോഗിക്കുന്നതിന് തടസ്സമില്ലെന്നും ഇവയ്ക്ക് തുടര്‍ന്നും നിയമസാധുത്വം ഉണ്ടായിരിക്കുമെന്നും ബാങ്ക് വ്യക്തമാക്കി. മറ്റ് കറന്‍സികള്‍ക്കും സമാനമായ മാറ്റങ്ങള്‍ ഭാവിയില്‍ ബാധകമാകുമെന്നും ഇതുസംബന്ധിച്ച വിശദമായ പ്രഖ്യാപനം പിന്നീട് ഉണ്ടാകുമെന്നും സെന്‍ട്രല്‍ ബാങ്ക് അറിയിച്ചു.

The Qatar Central Bank has issued a newly redesigned one riyal note featuring updated security features and design elements. Here’s what’s new in the latest currency update.