ആലുവ : തട്ടിപ്പ് കേസില്‍ പൊലിസ് അറസ്റ്റ് ചെയ്ത് റിമാന്റിലായ കോളജ് പ്രൊഫസര്‍ക്ക് സസ്‌പെന്‍ഷന്‍. ആലുവ യു.സി കോളജിലെ ഇംഗ്ലീഷ് വിഭാഗം അധ്യാപികയും, വെണ്ണല തൈപ്പറമ്പ് വീട്ടില്‍ ആന്‍സി ഈപ്പനെ (56) ആണ് യു.സി കോളജ് അധികൃതര്‍ സര്‍വീസില്‍ നിന്നും സസ്‌പെന്റ് ചെയ്തത്.
വാഹനം പണയത്തിന് എടുത്തശേഷം പൊളിച്ചു വില്‍പന നടത്തിയ കേസിലാണ് ഇവരെ കഴിഞ്ഞ 25-ന് പൊലിസ് അറസ്റ്റ് ചെയ്തത്. കേസില്‍ പ്രതിയായി റിമാന്റിലായതിനെ തുടര്‍ന്നാണ് ഇവരെ കോളജില്‍ സര്‍വീസില്‍ നിന്നും സസ്‌പെന്റ് ചെയ്തത്.