സ്മാര്‍ട്ട്‌ഫോണ്‍ പ്രേമികള്‍ കാത്തിരുന്ന ലെനവോ എസ് 5 സ്മാര്‍ട്ട്‌ഫോണ്‍ മാര്‍ച്ച് 23ന് ചൈനയില്‍ പുറത്തിറങ്ങും. 18:9 അനുപാതത്തിലുള്ള ഡിസ്‌പ്ലേ, രണ്ട് റിയര്‍ കാമറ എന്നിവയാണ് എസ്5 പ്രത്യേകത.

2018ല്‍ ലെനവോ ഇന്ത്യന്‍ മാര്‍ക്കറ്റില്‍ സ്മാര്‍ട്ട്‌ഫോണുകള്‍ പുറത്തിറക്കിയിട്ടില്ല. എന്നാല്‍ ഇന്ത്യയിലോ മറ്റ് ആഗോളവിപണികളിലോ എസ് 5 അവതരിപ്പിക്കുമോയെന്ന കാര്യത്തില്‍ വ്യക്തയില്ല.

ലെനവോ എസ്5ന്റെ വില

ആദ്യഘട്ടത്തില്‍ ചൈനയില്‍ കുറച്ച് സ്ഥലത്തുമാത്രമെ സ്മാര്‍ട്ട് ഫോണിന്റെ വില്‍പനയുണ്ടാവുകയുള്ളു. 3 ജിബി റാമും 32ജിബി സ്റ്റോറേജുമുള്ള ഫോണിന് ചൈനയില്‍ 999യുവാനാണ് (10,294 രൂപ ) വില.

4ജിബി റാമും 64ജിബി യുള്ള ഫോണിന് 1,199യുവാന്‍ (ഇന്ത്യന്‍ രൂപ 12,354) ആണ്. അതൊടൊപ്പം തന്നെ 4ജിബി റാമും 128ജിബി സ്റ്റോറേജുള്ള ഫോണിന് 1,499 യുവാനും (ഇന്ത്യന്‍ രൂപ 15,446) മാണ്. കറുപ്പ്, ചുവപ്പ് നിറത്തിലാണ് ലെനവോ എസ്5 ഇറക്കുന്നത്.

പ്രത്യേകതകള്‍

5.7 ഇഞ്ച് ഫുള്‍ സ്‌ക്രീനാണ് ലെനവോ എസിലുള്ളത്. മുഴുവാനായും ലോഹം കൊണ്ടാണ് ഫോണ്‍ നിര്‍മിച്ചിട്ടുള്ളത്. 155ഗ്രാമാണ് ഫോണിന്റെ ഭാരം. 2160*1080 പിക്‌സലാണ് ഡിസ്‌പ്ലേയുടെ റസലൂഷന്‍. 13 എംപിയുടെ രണ്ട് റിയര്‍ കാമറയാണ് മറ്റൊരു പ്രത്യേകത.

16എംപിയാണ് ഫ്രണ്ട് കാമറയുള്ള എസ് 5ന് 3000 എംഎഎച്ച് ബാറ്ററിയുമുണ്ട്. വിരലടയാളം, ലൈറ്റ് സെന്‍സര്‍, പ്രോക്‌സിമിറ്റി സെന്‍സര്‍,കോംപസ് എന്നിവ ലെനോവോ എസ്5ലുള്ള സെന്‍സറുകളാണ്.

3.5 ഹെഡ്‌ഫോണ്‍ ജാക്കും എസ് 5നൊപ്പമുണ്ട്. ഫ്രണ്ട് കാമറയില്‍ ഫേയ്‌സ് അണ്‍ലോക്ക് സംവിധാനവുമുണ്ട്.