ചെന്നൈ: തമിഴ്‌നാട് നിയമസഭാ തെരഞ്ഞെടുപ്പില്‍ മത്സരിക്കാന്‍ ബി.ജെ.പിയുമായി സഖ്യമില്ലെന്ന് വ്യക്തമാക്കി മുഖ്യമന്ത്രി എടപ്പാടി കെ പളനിസാമി. ''ബി.ജെ.പിയുമായി സഖ്യമോ പിന്തുണയോ ഇല്ല''- അദ്ദേഹം പറഞ്ഞു.

കാവേരി നദിയുടെ പ്രശ്‌നത്തില്‍ കേന്ദ്ര സര്‍ക്കാരില്‍ സമ്മര്‍ദം ചെലുത്തുന്നതില്‍ സംസ്ഥാന സര്‍ക്കാര്‍ മൃദു സമീപനം സ്വീകരിക്കുന്നുവെന്ന പ്രതിപക്ഷത്തിന്റെ ആരോപണത്തിനിടെയാണ് മുഖ്യമന്ത്രിയുടെ പ്രസ്താവന. കാവേരി ജല നിരീക്ഷണ കമ്മിറ്റി രൂപീകരിക്കണമെന്നാവശ്യപ്പെട്ട് സഭ ഐകകണ്‌ഠേന മാര്‍ച്ച് 15ന് പ്രമേയം പാസാക്കിയിരുന്നു.

കൂടാതെ, എ.ഐ.എ.ഡി.എം.കെ എം.പിമാര്‍ പാര്‍ലമെന്റില്‍ ഇക്കാര്യത്തില്‍ പ്രതിഷേധവും നടത്തിവരികയാണ്. കേന്ദ്ര സര്‍ക്കാരിനെ കൂടുതല്‍ സമ്മര്‍ദത്തിലാക്കി കാര്യം സാധിക്കാനാണ് പുതിയ പ്രസ്താവനയിലൂടെ പളനിസാമി ശ്രമിക്കുന്നത്.