കാഞ്ഞങ്ങാട്: സംസ്ഥാന പോളിടെക്‌നികു കലോത്സവത്തിനു തുടക്കമായി. കഥാകൃത്ത് ശിഹാബുദ്ദീന്‍ പൊയ്ത്തുംകടവ് സ്റ്റേജിതര പരിപാടികളുടെ ഉദ്ഘാടനം നിര്‍വഹിച്ചു. ബിബീഷ് ബാബു അധ്യക്ഷനായി. നിത്യാനന്ദ പോളി പ്രിന്‍സിപ്പാള്‍ കെ.പി. എസ് സുബാഷ്, കാഞ്ഞങ്ങാട് നഗരസഭാ സ്റ്റാന്‍ഡിങ് കമ്മിറ്റി ചെയര്‍മാന്മാരായ മഹമൂദ് മുറിയാനാവി, ഉണ്ണികൃഷ്ണന്‍, പ്രോഗ്രാം കമ്മിറ്റി ചെയര്‍മാന്‍ പി.വി ചന്ദ്രന്‍, വി.എസ് രാജന്‍,ജെ.എസ് വിവേക്, കെ. മഹേഷ് സംസാരിച്ചു.
കലോത്സവം 25നു സമാപിക്കും. 70 ഓളം സ്ഥാപനങ്ങളില്‍ നിന്നായി 6500 ഓളം പ്രതിഭകള്‍ മാറ്റുരക്കും. സ്റ്റേജ് മത്സരങ്ങള്‍ 23നു പി. കരുണാകരന്‍ എം.പി ഉദ്ഘാടനം ചെയ്യും.