ഹരാരെ: 2019ല്‍ അരങ്ങേറുന്ന ഐ.സി.സി ഏകദിന ക്രിക്കറ്റ് ലോകകപ്പിന് യോഗ്യത നേടി അഫ്ഗാനിസ്ഥാന്‍. നിര്‍ണായക പോരാട്ടത്തില്‍ അയര്‍ലന്‍ഡിനെ അഞ്ച് വിക്കറ്റിന് കീഴടക്കിയാണ് അഫ്ഗാന്‍ യോഗ്യരായത്.
ആദ്യം ബാറ്റ് ചെയ്ത അയര്‍ലന്‍ഡ് നിശ്ചിത 50 ഓവറില്‍ ഏഴ് വിക്കറ്റ് നഷ്ടത്തില്‍ 209 റണ്‍സെടുത്തപ്പോള്‍ അഫ്ഗാന്‍ ബാറ്റിങ് നിര 49.1 ഓവറില്‍ അഞ്ച് വിക്കറ്റ് നഷ്ടത്തില്‍ 213 റണ്‍സെടുത്താണ് വിജയിച്ചത്. മുഹമ്മദ് ഷഹ്‌സാദ് (54), ഗുലാബ്ദിന്‍ നയ്ബ് (45), ക്യാപ്റ്റന്‍ അസ്ഗര്‍ സ്റ്റനിക്‌സായ് (39) എന്നിവര്‍ തിളങ്ങി. നേരത്തെ മൂന്ന് വിക്കറ്റ് വീഴ്ത്തിയ സ്പിന്നര്‍ റാഷിദ് ഖാന്റെ ബൗളിങാണ് അയര്‍ലന്‍ഡിനെ 209 റണ്‍സില്‍ ഒതുക്കിയത്.