തിരുവമ്പാടി: കോഴിക്കോട് ജില്ലയിലെ ഏറ്റവും മികച്ച ജൈവ പഞ്ചായത്തിനുള്ള അവാര്‍ഡ് തിരുവമ്പാടി പഞ്ചായത്ത് പ്രസിഡന്റ് പി.ടി അഗസ്റ്റിന്‍ ഏറ്റുവാങ്ങി. ഏറ്റവും നല്ല കര്‍ഷക വിദ്യാര്‍ഥിക്കുള്ള അവാര്‍ഡ് തിരുവമ്പാടി സേക്രഡ് ഹാര്‍ട്ട് ഹൈസ്‌കൂളിലെ ഷഹാന സിനുവും മികച്ച സ്‌കൂള്‍ കാര്‍ഷിക പ്രമോട്ടര്‍ക്കുള്ള അവാര്‍ഡ് തിരുവമ്പാടി എച്ച്.എസിലെ ജോഷി മാത്യുവും ഏറ്റുവാങ്ങി.
സമ്മിശ്ര ജൈവ കൃഷികളും അഗ്രോ സര്‍വിസ് സെന്ററിന്റെ മികച്ച പ്രവര്‍ത്തനവുമാണ് തിരുവമ്പാടി പഞ്ചായത്തിനെ അവാര്‍ഡിനര്‍ഹമാക്കിയത്. കോഴിക്കോട് ഹോട്ടല്‍ സ്പാന്‍ ഓഡിറ്റോറിയത്തില്‍ നടന്ന ചടങ്ങില്‍ ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ഉദ്ഘാടനം ചെയ്തു. ജില്ലാ വികസന സ്റ്റാന്‍ഡിങ് കമ്മിറ്റി ചെയര്‍മാന്‍ പി.ജി ജോര്‍ജ്, ഡി.ഡി.ഇ സുരേഷ് പങ്കെടുത്തു.