തൊടുപുഴ: മുല്ലപ്പെരിയാര്‍ വിഷയത്തില്‍ കേരളത്തിലെ ജനങ്ങളോടൊപ്പം നില്‍ക്കേണ്ട മുഖ്യമന്ത്രി പിണറായി വിജയന്‍ തമിഴ്‌നാടിന് അനുകൂലമായി അഭിപ്രായപ്രകടനം നടത്തിയത് കേരളത്തിലെ ജനങ്ങളോടുള്ള വെല്ലുവിളിയാണെന്ന് മുസ്‌ലിംലീഗ് ഇടുക്കി ജില്ലാ പ്രസിഡന്റ് കെ.എംഎ. ഷുക്കൂര്‍, ജനറല്‍ സെക്രട്ടറി എം.എസ്. മുഹമ്മദ് എന്നിവര്‍ സംയുക്ത പ്രസ്താവനയില്‍ അറിയിച്ചു.
ലക്ഷക്കണക്കിന് ജനങ്ങളുടെ ജീവനും സ്വത്തിനും ഭീഷണിയായി നിലകൊള്ളുന്ന മുല്ലപ്പെരിയാര്‍ അണക്കെട്ടിന് ബലക്ഷയമില്ലെന്ന മുഖ്യമന്ത്രിയുടെ അഭിപ്രായം അണക്കെട്ട് പരിശോധിച്ച വിദഗ്ധ സംഘത്തോടും പുതിയ ഡാം പണിയണമെന്ന സര്‍വ്വകക്ഷി യോഗത്തിന്റെ തീരുമാനത്തോടുമുള്ള പരസ്യമായ വെല്ലുവിളിയാണെന്ന് നേതാക്കള്‍ പറഞ്ഞു.