കുന്നുംകൈ: പെരുമ്പട്ട മഖാം ഉറൂസ് നാളെ മുതല്‍ ഏപ്രില്‍ രണ്ടു വരെ വിവിധ പരിപാടികളോടെ നടക്കും. നാളെ രാവിലെ എട്ടിനു ഒ.ടി അഹമ്മദ് കുഞ്ഞി പതാക ഉയര്‍ത്തും. ബഷീര്‍ ഫൈസി ഉറൂസ് ഉദ്ഘാടനം ചെയ്യും. ടി.പി അബ്ദുല്‍ ഖരീം അധ്യക്ഷനാകും. മന്‍സൂര്‍ ഫൈസി മണ്ണാര്‍ക്കാട് പ്രഭാഷണം നടത്തും.
തുടര്‍ന്നുള്ള ദിവസങ്ങളില്‍ അസ്‌ലം അസ് ഹരി പൊയ്ത്തുംകടവ്, അന്‍വറലി ഹുദവി കീഴിശേരി, ഉമര്‍ ഹുദവി പൂളപ്പാടം, ഇ.പി അബ്ദുല്‍ റഹ്മാന്‍ ബാഖവി എന്നിവര്‍ പ്രഭാഷണം നടത്തും. സയ്യിദ് സഫിയുല്ലാഹി ജമലുല്ലൈലി തങ്ങള്‍ മജിലിസുന്നൂറിനു നേതൃത്വം നല്‍കും.
സമാപന സമ്മേളനം സയ്യിദ് അലിയാര്‍ തങ്ങള്‍ ഉദ്ഘാടനം ചെയ്യും. ശൈഖുന ഏലംകുളം ബാപ്പു മുസ്‌ലിയാര്‍ കൂട്ടുപ്രാര്‍ഥനക്കു നേതൃത്വം നല്‍കും.
അബ്ദുല്‍ ഹമീദ് മുസ്ലിയാര്‍, എം.സി അബ്ദുള്‍ഖാദര്‍, ടി.പി യൂസഫ്, പി.കെ ലത്തീഫ്, ഒ.ടി ഹാഷിം, എല്‍.കെ മുഹമ്മദ് കുഞ്ഞി, അബ്ദുല്‍ റഹീം ഹുദവി, എം. ഉസ്മാന്‍, എ.വി അബ്ദുള്‍ഖാദര്‍, പി. ഹമീദ് ഹാജി, ടി.കെ മുഹമ്മദ് കുഞ്ഞി ഹാജി, എം. ഹനീഫ എന്നിവര്‍ സംബന്ധിക്കും. ഏപ്രില്‍ രണ്ടിനു നടക്കുന്ന മൗലിദ് പാരായണത്തോടെ ഉറൂസ് സമാപിക്കും.