ക്വലാലംപൂര്‍: തെരഞ്ഞെടുപ്പ് അതിര്‍ത്തി പുനര്‍ നിര്‍ണയത്തിനെതിരേ മലേഷ്യയില്‍ ശക്തമായ പ്രതിഷേധം. പുതിയ സര്‍ക്കാരിനെ തെരഞ്ഞെടുക്കാന്‍ ആഴ്ചകള്‍ മാത്രം അവശേഷിക്കെ നടത്തുന്ന പുനര്‍നിര്‍ണയം നിലവിലെ സര്‍ക്കാരിനെ സഹായിക്കാനാണെന്നാണ് പ്രതിഷേധക്കാരുടെ ആരോപണം. അതിര്‍ത്തി പുനര്‍ നിര്‍ണയ ബില്‍ ഇന്നലെ പാര്‍ലമെന്റില്‍ സമര്‍പ്പിച്ചു. പ്രധാനമന്ത്രി നജീബ് റസാഖിന് ഭരണത്തില്‍ തുടരാനാണ് തിരക്കിട്ടുള്ള അതിര്‍ത്തി നിര്‍ണയമെന്ന് ആരോപിച്ച് നിരവധി ആക്ടിവിസ്റ്റുകള്‍ ഇന്നലെ പാര്‍ലമെന്റിലേക്ക് മാര്‍ച്ച് നടത്തി.