മലപ്പുറം: കേരളാ അറബിക് ടീച്ചേഴ്‌സ് ഫെഡറേഷന്‍ സംസ്ഥാന പ്രസിഡന്റും പൂളമംഗലം സെഡ്. എം ഹൈസ്‌കൂള്‍ പ്രധാനാധ്യാപകനുമായ എ. മുഹമ്മദ് 32 വര്‍ഷത്തെ സേവനത്തിനു ശേഷം 31ന് വിരമിക്കും. സര്‍വശിക്ഷാ അഭിയാന്‍ നിര്‍വഹണ സമിതി, ഒ.എസ്.എസ്, ക്യൂ. ഇ.പി.ആര്‍ അംഗം, എസ്.സി.ഇ.ആര്‍.ടി കോര്‍ കമ്മിറ്റി അംഗം, സംസ്ഥാന കരിക്കുലം കമ്മിറ്റിയംഗം, അധ്യാപക സാനിറ്റോറിയം സൊസൈറ്റി എക്‌സിക്യൂട്ടീവ് അംഗം, സംസ്ഥാന റിസോഴ്‌സ് ഗ്രൂപ്പ് അംഗം എന്നീ നിലകളില്‍ പ്രവര്‍ത്തിച്ചിരുന്നു.
നിലവിലുള്ള പാഠപുസ്തകങ്ങളുടെ സ്‌ക്രൂട്ടിനി സമിതിയില്‍ പങ്കാളിയായിട്ടുണ്ട്. സംസ്ഥാന സ്‌കൂള്‍ കലോത്സവ മാന്വല്‍ തയാറാക്കുന്ന ശില്‍പശാലയില്‍ പങ്കെടുത്തിട്ടുണ്ട്. എസ്.എസ്.എയുടെ ആഭിമുഖ്യത്തില്‍ മദ്‌റസാധ്യാപകര്‍ക്കു നടത്തിയ പരിശീലനത്തിന്റെ റിസോഴ്‌സ് അധ്യാപകനായിരുന്നു.
ലക്ഷദ്വീപിലെ വിദ്യാഭ്യാസം ഗുണമേന്‍മ വര്‍ധിപ്പിക്കാന്‍ വിവിധ ദ്വീപുകളിലേക്കു നിയോഗിക്കപ്പെട്ടിട്ടുണ്ട്.