കൊച്ചി:   സുരേഷ് ഗോപിയെ സംസ്ഥാന സ്‌കൂള്‍ കായിക മേളയ്ക്ക് ക്ഷണിക്കില്ലെന്ന് മന്ത്രി വി ശിവന്‍കുട്ടി. കുട്ടികളുടെ തന്തയ്ക്കു വിളിക്കുമോ എന്ന ഭയമുള്ളത് കൊണ്ടാണ് വിളിക്കാത്തതെന്നും എന്തും വിളിച്ചുപറയുന്ന സ്വഭാവമുള്ളയാളാണ് സുരേഷ് ഗോപിയെന്നും മന്ത്രി.

ഒറ്റ തന്ത പ്രയോഗത്തില്‍ മാപ്പ് പറയുകയാണെങ്കില്‍ സുരേഷ് ഗോപിക്ക് മേളയിലേക്ക് വരാമെന്നും വി ശിവന്‍കുട്ടി പറഞ്ഞു. സുരേഷ്‌ഗോപിയുടെ തന്ത പരാമര്‍ശത്തിനു മറുപടിയില്ലെന്ന് നേരത്തേ സിപിഎം സംസ്ഥാന സെക്രട്ടറി എം വി ഗോവിന്ദനും പ്രതികരിച്ചിരുന്നു. തന്തയ്ക്ക് പറഞ്ഞാല്‍ അതിനപ്പുറത്തെ തന്തക്കാണ് പറയേണ്ടതെന്നും അത് താന്‍ പറയുന്നില്ലെന്നുമായിരുന്നു അദ്ദേഹത്തിന്റെ പ്രതികരണം.