പാലക്കാട്: ഷൊര്‍ണൂരില്‍ ട്രെയിന്‍ ഇടിച്ച് നാല് മരണം. ഷൊര്‍ണൂര്‍ പാലത്തില്‍ വെച്ച് കേരള എക്‌സ്പ്രസ് ഇടിച്ചാണ് അപകടം. തമിഴ്‌നാട് സ്വദേശികളായ ശുചീകരണതൊഴിലാളികളാണ് മരിച്ചതെന്നാണ് വിവരം. 

ലക്ഷ്മണന്‍, വള്ളി, റാണി, ലക്ഷ്മണന്‍ എന്നിവരാണ് മരിച്ചത്. അപകട സമയത്ത് ഇവര്‍ പാലത്തിന് മുകളില്‍ ട്രാക്കില്‍ ശുചീകരണത്തിലായിരുന്നെന്നാണ് റിപ്പോര്‍ട്ട്. ഈ സമയം തിരുവനന്തപുരം ഭാഗത്തേക്ക് പോവുകയായിരുന്ന കേരള എക്‌സ്പ്രസ് വന്നിടിക്കുകയായിരുന്നു.

ട്രെയിന്‍ വരുന്നത് തൊഴിലാളികള്‍ അറിഞ്ഞില്ലെന്നാണ് പ്രാഥമിക റിപ്പോര്‍ട്ട്. ട്രെയിന്‍ വരുമ്പോള്‍ നാലുപേരും പാളത്തിലായിരുന്നു. 

ഇടിയുടെ ആഘാതത്തില്‍ ഒരാളുടെ മൃതദേഹം തൊട്ടടുത്തുള്ള ഭാരതപ്പുഴയിലെത്തി. മറ്റുള്ളവരുടേത് പാളത്തിന് സമീപത്തായിരുന്നു. മൃതദേഹങ്ങള്‍ ഷൊര്‍ണൂര്‍ സര്‍ക്കാര്‍ ആശുപത്രിയിലേക്ക് മാറ്റി.

Four people were killed in a train accident in Shornur