അബൂദബി: എമിറേറ്റില്‍ കാര്‍ വാഷ്, സര്‍വീസ് സെന്റര്‍ എന്നിവ സ്വദേശികളുടെ ഉടസ്ഥതയിലേക്കു വരുന്നു. അബൂദബി, അല്‍ഐന്‍, അല്‍ദഫ്ര മേഖലകളില്‍ ഇവ വികസിപ്പിക്കുന്നതിന് സ്വദേശികളുടെ ഉടമസ്ഥതിയില്‍ ടെന്‍ഡറുകള്‍ ക്ഷണിച്ചു. അബൂദബി ഇന്‍വെസ്റ്റ്‌മെന്റ് ഓഫിസ് (എഡിഐഒ), മുനിസിപ്പാലിറ്റി ആന്‍ഡ് ട്രാന്‍സ്‌പോര്‍ട്ട് വകുപ്പ് (ഡിഎംടി) എന്നിവയുമായി സഹകരിച്ചാണ് പദ്ധതി നടപ്പാക്കുന്നത്.

സ്ഥാപനങ്ങള്‍ അബൂദബി സാമ്പത്തിക വികസന വകുപ്പില്‍ റജിസ്റ്റര്‍ ചെയ്തതും യുഎഇ പൗരന്മാരുടെ പൂര്‍ണ ഉടമസ്ഥതയിലുള്ളതുമാകണം. അബൂദബി നഗരത്തിനു പുറമെ അല്‍ദഫ, അല്‍ഐന്‍ എന്നിവിടങ്ങളിലെ ഒന്നിലധികം സ്ഥലങ്ങളിലും കാര്‍ വാഷ്, സര്‍വീസ് സെന്ററുകള്‍ വ്യാപകമാക്കും. അല്‍ മര്‍ഫ, ഗയാത്തി, ലിവ, അല്‍ സില, അല്‍ഖൗ തുടങ്ങിയ സ്ഥലങ്ങളും ഇതില്‍ ഉള്‍പ്പെടുന്നു. ഇത് കാര്‍ വാഷ് മേഖലയില്‍ ജോലി ചെയ്യുന്ന മലയാളികള്‍ക്കടക്കം തിരിച്ചടിയാണ്. പുതിയ പദ്ധതി പ്രകാരം കാര്‍ വാഷ്, സര്‍വീസ് സെന്റര്‍, മേഖലകളില്‍ പ്രവര്‍ത്തിക്കുന്നവര്‍ ഏതെങ്കിലും സ്വദേശികളുടെ ഉടമസ്ഥതയിലുള്ള കമ്പനിക്കു കീഴില്‍ പ്രവര്‍ത്തിക്കേണ്ടിവരും.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

The Abu Dhabi government has announced that car wash and service centers will now cater exclusively to UAE nationals, implementing measures to support local citizens.