പാലക്കാട് : ഉപതെരഞ്ഞെടുപ്പിനിടയില്‍ വീണ്ടും കോണ്‍ഗ്രസിന് തലവേദന സൃഷ്ടിച്ച് കൊഴിഞ്ഞുപോക്ക്. പാലക്കാട് പിരിയാരി ദലിത് കോണ്‍ഗ്രസ് മണ്ഡലം പ്രസിഡന്റ് കെ.എ സുരേഷാണ് കോണ്‍ഗ്രസ് വിടാന്‍ ഒരുങ്ങുന്നത്. ഷാഫി പറമ്പിലിന്റെ ഏകാധിപത്യ നിലപാട് ചൂണ്ടിക്കാണിച്ചാണ് നടപടി.

കോണ്‍ഗ്രസ് വിട്ടുപോയ  ഇടതു സ്ഥാനാര്‍ഥിയായി മത്സരിക്കുന്ന പി സരിനുവേണ്ടി ഉപതെരഞ്ഞെടുപ്പില്‍ പ്രവര്‍ത്തിക്കുമെന്നാണ് സുരേഷ് പറയുന്നത്. പാര്‍ട്ടിയില്‍ അസംതൃപ്തര്‍ ഏറെയുണ്ടെന്നും ഇനിയും നിരവധി പേര്‍ പാര്‍ട്ടി വിടുമെന്നും സുരേഷ്. ഷാഫിയുടെ അടുപ്പക്കാര്‍ക്ക് മാത്രമേ പാര്‍ട്ടിയില്‍ നേട്ടമൊള്ളൂവെന്നും സുരേഷ് ആരോപിക്കുന്നു.