മനാമ: ബഹ്‌റൈന്‍ എം.പിമാരില്‍ നിന്നും ഒരു സംഘം കഴിഞ്ഞ ദിവസം ഇന്ത്യ സന്ദര്‍ശിച്ചു. ബഹ്‌റൈന്‍ എം.പിമാരായ അഹമ്മദ് അബ്ദുല്‍ വാഹിദ് ഖറാത്ത, അബ്ബാസ് അല്‍ മാദി, അബ്ദുറഹ്മാന്‍ ബുംജീദ്, ഇബ്രാഹിം ജുമാ അല്‍ ഹമ്മാദി എന്നിവരാണ് ഇന്ത്യയിലെത്തിയത്. ഇന്ത്യയും ബഹ്‌റൈനുമായുള്ള സാമ്പത്തികരാഷ്ട്രീയസാമൂഹ്യ വിഷയങ്ങളുമായി ബന്ധപ്പെട്ട ഒരു യോഗത്തിലും എം.പിമാര്‍ പങ്കെടുത്തു. ഇന്ത്യയില്‍ നിന്നുള്ള മൂന്നര ലക്ഷം തൊഴിലാളികള്‍ ബഹ്‌റൈനില്‍ പ്രവാസികളായിട്ടുണ്ടെന്നും അവരുടെ സ്തുത്യാര്‍ഹമായ സേവനത്തിനുള്ള നന്ദിയും കടപ്പാടും ഇന്ത്യാ ഗവണ്‍മെന്റിനെ അറിയിക്കുന്നതായും അവര്‍ പറഞ്ഞു. ഇന്ത്യന്‍ പാര്‍ലമെന്റംഗവും മുസ്‌ലിം ലീഗ് ദേശീയ ഓര്‍ഗനൈസിംഗ് സെക്രട്ടറിയുമായ ഇ ടി മുഹമ്മദ് ബഷീര്‍ എം പി യുടോപ്പം ഇന്ത്യന്‍ പാര്‍ലമെന്റ്, താജ് മഹല്‍ തുടങ്ങിയ രാജ്യത്തെ ചരിത്ര പ്രധാന സ്ഥലങ്ങളും വിനോദ സഞ്ചാര കേന്ദ്രങ്ങളും സംഘം സന്ദര്‍ശിച്ചു.