തളിപ്പറമ്പ്: കുറ്റ്യേരി പാലത്തിനു സമീപത്തെ സഹോദരിമാരെ ഐസ്‌ക്രീമില്‍ വിഷം കലര്‍ത്തി കൊല്ലാന്‍ ശ്രമിച്ച കേസില്‍ പൊലിസ് അന്വേഷണം ഊര്‍ജിതമാക്കി. സംഭവവുമായി ബന്ധപ്പെട്ട് ആദ്യം സംശയം ഉയര്‍ന്നുവന്നത് നേരത്തെ യുവതികളില്‍ ഒരാള്‍ക്ക് വിവാഹ ആലോചനയുമായി വന്ന യുവാവിന്റെ പേരായിരുന്നു. ഇയാളെ ചോദ്യം ചെയ്തതില്‍ നിന്ന് ഇയാള്‍ക്ക് സംഭവവുമായി ബന്ധമില്ലെന്ന നിഗമനത്തിലാണ് പൊലിസ്. കുടുംബവുമായി ബന്ധപ്പെടുന്നവരുടെയെല്ലാം മൊഴിയെടുക്കും. കേസുമായി ബന്ധമുണ്ടെന്ന് സംശയിക്കുന്ന പെരുമ്പടവ് സ്വദേശിയായ യുവാവ് കര്‍ണാടകയിലേക്ക് കടന്നതായി സൂചന ലഭിച്ചതിന്റെ അടിസ്ഥാനത്തില്‍ അന്വേഷണം കര്‍ണാടകയിലേക്കു വ്യാപിപ്പിക്കും. പരിയാരത്ത് ചികിത്സയില്‍ കഴിയുന്ന പെണ്‍കുട്ടികളുടെ മൊഴി ഇന്നലെ രേഖപ്പെടുത്തി. ഇവര്‍ തീവ്രപരിചരണ വിഭാഗത്തിലായിരുന്നതി      നാല്‍ കഴിഞ്ഞ ദിവസങ്ങളില്‍ മൊഴി രേഖപ്പെടുത്തുവാന്‍ സാധിച്ചിരുന്നില്ല.