ഇന്‍ഡോര്‍: മധ്യപ്രദേശ് രഞ്ജി ട്രോഫി ക്യാപ്റ്റന്‍ ദേവേന്ദ്ര ബുണ്ടേല ഫസ്റ്റ്ക്ലാസ് ക്രിക്കറ്റില്‍ നിന്ന് വിരമിച്ചു. രഞ്ജി ട്രോഫിയില്‍ ഏറ്റവും കൂടുതല്‍ മത്സരങ്ങള്‍ കളിച്ചതിന്റെ റെക്കോര്‍ഡ് 41 കാരനായ ദേവേന്ദ്രയുടെ പേരിലാണ്. 145 മത്സരങ്ങളിലാണ് താരം കളിച്ചത്. 25 വര്‍ഷമായി ഫസ്റ്റ് ക്ലാസ് ക്രിക്കറ്റില്‍ സജീവമായിട്ടും ദേവേന്ദ്രയ്ക്ക് ഒരിക്കല്‍ പോലും ഇന്ത്യന്‍ ടീമിന്റെ വാതില്‍ തുറന്നുകിട്ടിയില്ല. കരിയറിന്റെ തുടക്കത്തില്‍ താരം ഇന്ത്യയുടെ അണ്ടര്‍ 19 ടീമില്‍ കളിച്ചിരുന്നു. രഞ്ജിയില്‍ ഏറ്റവും കൂടുതല്‍ റണ്‍സെടുത്ത താരങ്ങളില്‍ ദേവേന്ദ്ര നാലാം സ്ഥാനത്താണ്. 24 സെഞ്ച്വറിയടക്കം 9201 റണ്‍സാണ് സമ്പാദ്യം.