തിരുവനന്തപുരം: തിരുവനന്തപുരം ജില്ലാകലക്ടര്‍ കെ. വാസുകി കനകക്കുന്നില്‍ ഒരുക്കിയിരിക്കുന്ന കപ്പ മേള സന്ദര്‍ശിച്ചു.
കപ്പ വിഭവങ്ങള്‍ രുചിച്ചുനോക്കാനും അവര്‍ മറന്നില്ല. കൊല്ലം ജില്ലാകലക്ടര്‍ കൂടിയായ ഭര്‍ത്താവ് ഡോ. എസ് കാര്‍ത്തികേയനോടൊപ്പം കുടുംബസമേതമാണ് അവര്‍ കപ്പമേളയില്‍ എത്തിയത്. കപ്പയുടെ രുചിമേളം തീര്‍ക്കുന്ന നാടന്‍ ഭക്ഷ്യമേള ഏവരേയും ആകര്‍ഷിക്കുന്നുവെന്ന് അവര്‍ അഭിപ്രായപ്പെട്ടു.
ഏപ്രില്‍ എട്ട്‌വരെയാണ് മേള സംഘടിപ്പിച്ചിരിക്കുന്നത്. സംസ്ഥാന കൃഷിവകുപ്പിനു കീഴിലുള്ള വിവിധ സ്ഥാപനങ്ങള്‍, കേന്ദ്ര കിഴങ്ങു ഗവേഷണകേന്ദ്രം, വിവിധ കാര്‍ഷിക സംഘടനകള്‍ എന്നിവയുടെ നേതൃത്വത്തില്‍ പരിപാടി സംഘടിപ്പിക്കുന്നത്.