കൊച്ചി: സി.പി.എം ജനറല്‍ സെക്രട്ടറി സീതാറാം യെച്ചൂരിയുടെ വിയോഗത്തില്‍ അനുശോചിച്ച് നടന്‍ മമ്മൂട്ടി. എന്റെ ദീര്‍ഘകാല സുഹൃത്ത് സീതാറാം യെച്ചൂരി ഇനി നമ്മോടൊപ്പമില്ല എന്ന വാര്‍ത്ത വേദനിപ്പിക്കുന്നുവെന്ന് മമ്മൂട്ടി ഫേസ്ബുക്കില്‍ കുറിച്ചു. പ്രിയ സുഹൃത്തിന്റെ നിര്യാണത്തില്‍ താന്‍ ഏറെ ദുഃഖിതനാണെന്നും നല്ല ഒരു വ്യക്തിത്വത്തിന് ഉടമയെയാണ് നഷ്ടമായതെന്നും മമ്മൂട്ടി അനുസ്മരിച്ചു.

'എന്റെ ദീര്‍ഘകാല സുഹൃത്ത് സീതാറാം യെച്ചൂരി ഇനി നമ്മോടൊപ്പമില്ല എന്ന വാര്‍ത്ത എന്നെ വേദനിപ്പിക്കുന്നു. സമര്‍ഥനായ രാഷ്ട്രീയ നേതാവ്, അതിശയിപ്പിച്ച മനുഷ്യന്‍, എന്നെ നന്നായി മനസ്സിലാക്കുന്ന ഒരു സുഹൃത്ത്. ഇതൊക്കെയായിരുന്നു യെച്ചൂരി. ഒരിക്കലും മറക്കാനാവില്ല' മമ്മൂട്ടി എഫ്.ബി പോസ്റ്റില്‍ കുറിച്ചു.

ശ്വാസകോശ സംബന്ധമായ അസുഖത്തെ തുടര്‍ന്ന് ആഗസ്റ്റ് 19നാണ്  യെച്ചൂരിയെ ആശുപത്രിയില്‍ പ്രവേശിപ്പിച്ചത്. ഡല്‍ഹി എയിംസില്‍ ചികിത്സയിലായിരുന്ന അദ്ദേഹം ഇന്ന് ഉച്ചക്ക് 3.05ഓടെയാണ് അന്തരിച്ചത്.

"Mammootty mourns the loss of his close friend Yechury, remembering their long-standing friendship and cherishing the memories they shared. The Malayalam superstar pays a heartfelt tribute to his late companion."