തിരുവനന്തപുരം: ബെവ്കോ ജീവനക്കാര്‍ക്ക് ഇത്തവണത്തെ ഓണം പൊടിപൊടിക്കാന്‍ റെക്കോഡ് ബോണസിന് ശുപാര്‍ശ. 95,000 രൂപ ജീവനക്കാര്‍ക്ക് ഇത്തവണ ബോണസായി നല്‍കാനാണ് തീരുമാനം. 

സംസ്ഥാനത്തെ തന്നെ ഏറ്റവും ലാഭമുള്ള പൊതുമേഖലാ സ്ഥാപനത്തില്‍ കഴിഞ്ഞ വര്‍ഷം 90000 രൂപയായിരുന്നു ഓണം ബോണസ്. മദ്യ വില്‍പനയിലൂടെ 5000 കേടി രൂപയുടെ നികുതി വരുമാനം ലഭിച്ചതിന് പിന്നാലെയാണ് നീക്കം എത്തുന്നത്. 

ബെവ്കോയിലെ ലേബലിങ് തൊഴിലാളികള്‍ വരെയുള്ളവര്‍ക്ക് ബോണസ് ലഭിക്കും. സ്വീപ്പര്‍ തൊഴിലാളികള്‍ക്ക് 5000 രൂപയാണ് ബോണസ്. ഔട്ട്ലെറ്റിലും ഓഫിസിലുമായി 5000 ജീവനക്കാരാണ് ബെവ്‌കോയിലുള്ളത്. എക്‌സൈസ് മന്ത്രിയുടെ ചേംബറില്‍ നടന്ന ചര്‍ച്ചയിലാണ് ബോണസ് തീരുമാനമായത്.