കൊണ്ടോട്ടി: ധാന്യപ്പൊടിയില്‍ കലര്‍ത്തി എത്തിച്ച 21.97 ലക്ഷം രൂപയുടെ സ്വര്‍ണം കരിപ്പൂര്‍ എയര്‍ കസ്റ്റംസ് ഇന്റലിജന്‍സ് പിടികൂടി. കൊടുവള്ളി സ്വദേശി ഷംസീര്‍ എന്ന യാത്രക്കാരനില്‍ നിന്നാണ് സ്വര്‍ണം കണ്ടെത്തിയത്.
രഹസ്യ വിവരം ലഭിച്ചതിനെ തുടര്‍ന്ന് ഷംസീറിന്റെ ബാഗ് കസ്റ്റഡിയിലെടുത്ത് കസ്റ്റംസ് പരിശോധിക്കുകയായിരുന്നു. ഇതിലുണ്ടായിരുന്ന കുപ്പിയിലെ ധാന്യപ്പൊടിയില്‍ കലര്‍ത്തിയാണ് ഇയാള്‍ സ്വര്‍ണം കൊണ്ടുവന്നത്. 750 ഗ്രാം സ്വര്‍ണമാണ് വേര്‍തിരിച്ചെടുത്തത്.