കോതമംഗലം: കേരളത്തിലെ ന്യൂനപക്ഷ വിഭാഗങ്ങളുടെ അക്ഷര പഠനത്തിന് പ്രകാശം പകര്‍ന്നു നല്കിയ മുന്‍ വിദ്യാഭ്യാസ മന്ത്രിയും മുസ്‌ലിം ലീഗ് നേതാവുമായ സി.എച്ച് മുഹമ്മദ് സാഹിബിന്റെ പേരില്‍ ഹൈറേഞ്ചിന്റെ കവാടത്തില്‍ ലൈബ്രറിയും റിക്രിയേഷന്‍ ക്ലബ്ബും പ്രവര്‍ത്തനം ആരംഭിച്ചു. മുസ്‌ലിം ലീഗ് നേര്യമംഗലം ശാഖാ കമ്മിറ്റിയുടെ നേതൃത്വത്തില്‍ നേര്യമംഗലത്താണ് പാര്‍ട്ടി പ്രവര്‍ത്തകരുടെയും പൊതു പ്രവര്‍ത്തകരുയും കൂട്ടായ്മയിലുള്ള സംരംഭത്തിന് തുടക്കമായത്.
ലീഗ് നിയമസഭാ പാര്‍ട്ടി ഡെപ്യൂട്ടി ലീഡര്‍ വി.കെ ഇബ്രാഹിം കുഞ്ഞ് എം.എല്‍.എ ലൈബ്രറിയുടെ പ്രവര്‍ത്തനോദ്ഘാടനം നിര്‍വഹിച്ചു.
ജില്ലാ വൈസ് പ്രസിഡന്റ് കെ.എം ഇബ്രാഹിം, നിയോജക മണ്ഡലം വൈസ് പ്രസിഡന്റ് പി.എം എ കരീം, എസ്.ടി.യു ജില്ലാ വൈസ് പ്രസിഡന്റ് കെ.എം കുഞ്ഞു ബാവ, ടി.പി അലിയാര്‍, കെ.എം അലിയാര്‍, എ.എം കുഞ്ഞുഞ്ഞ്, ടി.എം റസാഖ്, സി.പി ഷെരീഫ്, എം.എ അജ്മല്‍, പി.എ നവാസ്, പി.എ ജാഫര്‍, സി.എസ് അഫ്‌സല്‍ എന്നിവര്‍ സന്നിഹിതരായിരുന്നു.