അബൂദബി: രാജ്യത്തെ ഏറ്റവും പുതിയ കാലാവസ്ഥാ വിവരങ്ങള്‍ അപ്‌ഡേറ്റ് ചെയ്ത് യുഎഇയിലെ ദേശീയകാലാവസ്ഥാ കേന്ദ്രം (NCM). ഭാഗികമായി മേഘാവൃതമായ ആകാശം അനുഭവപ്പെടുമെന്നും മഴയ്ക്ക് സാധ്യതയുണ്ടെന്നും ശക്തമായ കാറ്റ് ഉണ്ടാകുമെന്നുമാണ് പ്രവചനത്തിന്റെ ഉള്ളടക്കം. പ്രധാന ഹൈലൈറ്റ്‌സുകള്‍ ഇവയാണ്:

• * ചില വടക്കന്‍, കിഴക്കന്‍ പ്രദേശങ്ങളില്‍ നേരിയ മഴയ്ക്ക് സാധ്യതയുണ്ട്.
  * ചില ഉള്‍പ്രദേശങ്ങളില്‍ ഇന്ന് രാത്രിയും നാളെ (മാര്‍ച്ച് 3 തിങ്കളാഴ്ച) രാവിലെയും കാലാവസ്ഥ ഈര്‍പ്പമുള്ളതായിരിക്കും.
  * മൂടല്‍മഞ്ഞ് രൂപപ്പെടാനുള്ള സാധ്യതയുണ്ട്.
  * കടലില്‍ നേരിയതോ മിതമായതോ ആയ വടക്കുപടിഞ്ഞാറന്‍ കാറ്റ് പ്രതീക്ഷിക്കാം. 
  * കാറ്റ് കരയില്‍ പൊടിപടലങ്ങള്‍ വീശാന്‍ കാരണമാകും.
  * കാറ്റിന്റെ വേഗത മണിക്കൂറില്‍ 30 കിലോമീറ്റര്‍ വരെയാകാം. ചിലപ്പോഴത് മണിക്കൂറില്‍ 50 കിലോമീറ്റര്‍ വരെയും വീശും. 
  * അറേബ്യന്‍ ഗള്‍ഫില്‍ കടല്‍ ചില സമയങ്ങളില്‍ പ്രക്ഷുബ്ധമായിരിക്കും.

UAE's National Centre for Meteorology (NCM) has updated the country's latest weather information. The forecast includes partly cloudy skies, a chance of rain, and strong winds.