പൂനെ: കളിക്കുന്നതിനിടെ കത്തുന്ന ചൂടില്‍നിന്ന് രക്ഷനേടി കാറില്‍ അഭയം തേടിയ അഞ്ചുവയസുകാരന് ദാരുണ അന്ത്യം.

പൂനെയിലെ ചാക്കന്‍ പ്രദേശത്താണ് സംഭവം. കിരണ്‍ പാണ്ഡേ എന്ന അഞ്ചുവയസുകാരനാണ് ശ്വാസം മുട്ടി മരിച്ചത്.

കഴിഞ്ഞ ദിവസമാണ് സംഭവം. ഉച്ചയ്ക്കു കളിക്കാന്‍ പോയ മകനെ കാണാഞ്ഞ് രക്ഷിതാക്കള്‍ നടത്തിയ തെരച്ചിലിനൊടുവിലാണ് ഉപേക്ഷിക്കപ്പെട്ട കാറില്‍ മൃതദേഹം കാണപ്പെട്ടത്.

ആറുമണിക്കൂറോളം നടത്തിയ തെരച്ചിലിനൊടുവിലാണ് കുട്ടിയുടെ മൃതദേഹം കണ്ടെത്തിയത്.

മൃതദേഹത്തില്‍ പൊള്ളലേറ്റ പാടുകള്‍ ഉണ്ടായിരുന്നതായി പൊലിസ് പറഞ്ഞു.