ശ്രീനഗര്‍: പാക് ഷെല്ലാക്രമണത്തില്‍ സൈനികന് വീരമൃത്യു. സംഭവത്തില്‍ ലഫ്റ്റനന്റ് ഉള്‍പ്പെടെ നാലുപേര്‍ക്ക് പരുക്കേറ്റു. മഹാരാഷ്ട്ര സ്വദേശി സൂര്യകാന്ത്(20) ആണ് മരിച്ചത്. പൂഞ്ച് ജില്ലയിലെ അതിര്‍ത്തി പ്രദേശമായ കൃഷ്ണഘാട്ടി മേഖലയില്‍ സൈനിക പോസ്റ്റുകള്‍ക്കുനേരെയാണ് പാക് സൈന്യം പ്രകോപനമില്ലാതെ ആക്രമണം നടത്തിയത്.
ഇതിനെതിരേ ഇന്ത്യ ശക്തമായി തിരിച്ചടിച്ചതോടെയാണ് പാക് സൈന്യം പിന്‍വാങ്ങിയതെന്ന് സൈനിക വക്താവ് അറിയിച്ചു. പരുക്കേറ്റ ലഫ്റ്റനന്റിന് പുറമെ രണ്ട് ജൂനിയര്‍ കമ്മീഷന്‍ഡ് ഓഫിസര്‍മാര്‍ അടക്കമുള്ളവരെ ഉദംപൂരിലെ സൈനികാശുപത്രിയില്‍ പ്രവേശിപ്പിച്ചു.